NAZAM

Meusoe di rumoeh, pinto neubuka
Sabaoh sualan, lon pulang peunoeh
Tuloeng rakan jroh, gunci neubuka

Meunoe terjadi, wahe rakan jroeh
Taluek purumoeh, sualan lon ba
oh lhueh geutaluek, akan peurumoeh
jinoe ka mehmoeh, hukom goh nyata

Na sidroe urueng, taluek peurumoeh
Geutaluek saboeh, su ot bandua
Geutaluek yang Tuha, yang muda su ot
Supoe Nikah rhoet, tuloeng peunyata

Lam kitab nila, na rumoh nikah
Lam kitab tufah, na geupeunyata
Taluek yang tuha, yang muda su ot
Nikah Awai rhoet, yang toeh gata

Nyan keujadian, rakan meutuah
Neutuloeng peuhah, gunci neubuka
Bek salah hukoem, Dosa ngoen Allah
Dudoe neukeubah, Asoe Nuraka

Tgk Diyueb Bruek, kon santri Dayah
Awai mate yah, sikula Hana
Supaya Muphoem, mangat bek salah
Nyan kitab tufah, lon turi hana

Kitab masailai, hanjuet lon surah
Mupue lom nyannah, lon kaloen hana
Kitab bayuri, ngoen kitab fikah
Rakan meutuah, tan lon ue rupa

Maka lon tanyoeng, kisah lon surah
mangat bek salah, hukom agama
Dosa ngoen Tuhan, meusalah peugah
Lon takoet leupah, akan Nuraka
( Tgk Diyueb Bruek/Sulaiman.A.Gani)